Ҳар ки дилро об созад бар сараш резанд об
Одамон бисёр, аммо якдилу якрӯ куҷост?
Шоирон афзун, вапскин шоири ҳақгӯ куҷост?
Ҳар ки дилро об созад бар сараш резанд об,
Обрӯе, ки дихй руҷҳон ба оби ҷӯ, куҷост7
Дар миёни панҷ милярд одами зоҳирпараст
Он, ки дорад асли асли хеш ҷустуҷӯ куҷост?
Одамон дар шаш ҷиҳат ин сӯю он сӯ медаванд,
Нест кас, то пурсияш ин сӯ куҷо, он сӯ куҷост?
Чор унсур аз азал шуд чор унсур дар аҷал,
Эй бани одам! Хирад ку? Фитрату нирӯ куҷост?
Ним гушна, ним ташна, ним душман, ним дӯст,
Эй ҷаҳони нимкора сарҳисоби ту куҷост?
1987
Шарҳи худро нависед
