Ғарази гӯркобҳо бинӣ

На ғаму дард орзу дорам,
На дили сард орзу дорам,
Душманонам заифу номарданд,
Душмани мард орзу дорам.
Осмон ос мекунад моро,
3-осиё ғард орзу дорам.
Ба касоне, ки рӯз бадбахтанд,
Бахти шабгард орзу дорам.
Дарди ман мекашанд ҳамдардон,
Бахти ҳамдард орзу дорам.
Мисли худ покбозу покимон
Як ҷавонмард орзу дорам.
1979
♦ ♦ ♦
Айш хоҳӣ, азобҳо бинӣ,
Рӯй ҷӯӣ, ниқобҳо бинӣ.
Ҳар қадар хоҳӣ гарданафрозӣ,
Даври гардан танобҳо бинӣ.
Бахти бедорро, ки ҷӯёӣ,
Чун бихобӣ, ба хобҳо бинӣ.
Ҳалли осони мушкили қисмат
Дар кинову китобҳо бинӣ.
Ёбӣ гар сарҳисоби иншое,
Бухли бесарҳисобҳо бинӣ.
То даме мард бошӣ, бар сари худ
Туҳмати занқимобҳо бинӣ.
То даме зиндаӣ, ба ҳар қадамат
Ғарази гӯркобҳо бинӣ.
2979

Муаллиф:

Шарҳи худро нависед