Ҳарчанд ки рӯзгори афсона гузашт
Лек хеш рамидае бузург аз ман нест,
Нодидаи дидае бузург аз ман нест.
Ҳарчанд ки рӯзгори афсона гузашт,
Афсонашунидае бузург аз ман нест.
Гар шарти бузургӣ аст манзилёбӣ,
Манзилнарасидае бузург аз ман нест.
Худкардааму ниҳон кунам вовайло,
Фарёдкашидае бузург аз ман нест.
Дар ҷодаи ошиқӣ ҳама пеш даванд,
Баръаксдавидае бузург аз ман нест.
Ҳарчанд ҳама зи ишқ аҳре бичашанд,
Як моргазидае бузург аз ман нест.
1982
Шарҳи худро нависед
