БА МАРДУМИ ПАНҶЕКАТ

Автор admin | Апрель 22, 2017 Рубрика Аввал, Шеър CКомментариев нет

Сари оғушта дар хуни Деваштич
Биёмад бар Ватан аз шаҳри Бағдод.
Зи нав биншаст бар аспи таҳамтан,
Ба Панҷекат шукӯҳи тозае дод.
Кунун ӯ дар фарози теппаи сабз
Зи сарсабзии мо бошад нишона.
Сари афрохта, рӯҳи шикебо
Ба Панҷекат бимонад ҷовидона!
Туро, ки меҳвари ин обу хокӣ,
Бихоҳам рӯзгори бешикастат.
Даме магзор, то душман рабояд
Дубора ин сару афсар зи дастат!
19.3.2000