Имрӯз Наврӯзи

Дар дили сабзи баҳорат зоданд,
То ки чун ғунчаи гул муъҷизаофар бошӣ,
То ки чун лола пур аз шуълаву ахгар бошӣ,
То ки чун булбули шўрида навогар бошӣ,
Чӣ муборак ба ҷаҳон омадане.

Дар дили сабзи баҳорат зоданд,
То қадамгоҳи ту пурлолаву насрин бошад,
То тамошагаҳи ту олами рангин бошад,
Дилат аз боди хазон яксара эмин бошад.
Чӣ муборак ба ҷаҳон омадане.

Дар дили сабзи баҳорат зоданд,
То бувад сабз ҳама олами андешаи ту,
То бувад сабз гулу шохаву ҳам решаи ту,
То бувад сабзгароӣ ба ҷаҳон пешаи ту,
Чӣ муборак ба ҷаҳон омадане,
Чӣ муборак ба ҷаҳон омадане.

Муаллиф:

Шарҳи худро нависед