Модарҷон

Ҳарири ҷон ба роҳат густарам, фармоӣ, модарҷон.
Бад-он ҳастии зебо ҳастиям орой, модарҷон.
Нарав, сармад бимону офтобона ба рӯи мо
Дари фардову фардои дигар бикшой, модарҷон.
Кушоиш хостам дар ин гузаргоҳи гираҳбаста,
Дуо кун, эй накӯфоли муборакрой, модарҷон.
Чу бахшидан сифоти нозанини туст аз оғоз,
Ҷаҳону бевафоии варо бахшой, модарҷон.
Ба субҳи офариниш борҳо рафтиву баргаштӣ.
Ту медонӣ, ба мо баргӯй сирри ной. модарҷон.
Мусалло бофтам аз тору пуди ишқи беифшо.
Ҳидоятхоҳам, инак, қиблаам бинмой, модарҷон.

Муаллиф:

Шарҳи худро нависед