МУБОРАКБОД
Бошад муборак ҷашни ҷавонӣ,
Рӯзи муроди ёрони ҷонӣ.
Арзад ки имшаб дар пои ёрон
Ҳам гул фишонӣ, ҳам дил фишонӣ.
Обод бошед, эй ҷуфти хушгил,
Ёрони ҳамқад, ёрони ҳамдил.
Монанди дарё шӯрида бошед,
Чун чашмасорон ҷӯшида бошед.
Ҷонбози ишқу сарбози даврон
Дар рӯзгорон пурдида бошед.
Обод бошед, эй ҷуфти хушгил,
Ёрони ҳамқад, ёрони ҳамдил.
Имшаб, ки субҳи навзиндагонист,
Ҷашни муҳаббат, базми ҷавонист,
Дар рӯи олам хушрӯзу хушрӯ
Ҷуфти муносиб мисли шумо нест.
Обод бошед, эй ҷуфти хушгил,
Ёрони ҳамқад, ёрони ҳамдил.
1978
Шарҳи худро нависед
