Номи модар
Дилу ҷонам фидои номи модар,
Дило, фирӯз бод айёми модар.
Чу дид осори ранҷурии фарзанд,
Шакар талхӣ кунад дар коми модар.
Диҳад сарсабзиҳо шири сафедаш,
Ба пухтан мерасонад хоми модар.
Бидидам дар амал, дар зиндагонӣ
Шуда сад панди ман дашноми модар.
Бувад баҳри сахо, дарси раҳмат
Надорад Ҳотаме инъоми модар.
Ҳамии аст аз бузургиаш ишора:
Ватан дорад муборак номи Модар.
Шарҳи худро нависед
