Оташ овардам, гулафшонам макун
Ишқ овардам, пушаймонам макун.
Оташ овардам, гулафшонам макун.
Хешро то ишқи ту аз сад даре
Ҷамъ овардам, парешонам макун.
Шодӣ овардам, ба ғам рангаш мазан,
Ханда овардам, ту гирёнам макун.
Шӯр овардам ба ҷони коҳилат,
Ганҷ овардам, ту пинҳонам макун.
Бода овардам ба ҷоми холият
Ҷом пур кун, сер аз ҷонам макун.
овардам, дилатро ғарм соз,
Роҳ овардам, хурезонам макун.
Хоҳиш оғардам, ба коҳиш хӯ мадех,
Нозиш овардам, ту нолонам макун.
Чашма овардам, ки бахтат сабз бод,
Шӯрчашмӣ пеши чашмонам макун.
Ҳадя овардам дили пуроташе,
Сардрӯӣ чун зимистонам макун.
Достони ишқи ту дорам ба дил,
Дастгирам бошу дастонам макун.
1983
Шарҳи худро нависед
