Падари меҳрубону ғамхоро

Автор admin | Июль 19, 2017 Рубрика Аввал, Шеър CКомментариев нет

Падари меҳрубону ғамхоро,
Кӣ хурад баъди ту ғами моро?
Баъди беморие, ки бирбудат,
Зиндагонии мост беморо.
Рӯзи ту буд кӯтаҳу рафтӣ,
Рӯзию рӯзи мост душворо.
Рӯҳи ту зери хок ором аст,
Рӯҳи мо рӯи хок абгоро.
Зери як пора хора хобидӣ,
Баҳри мо мондӣ кӯҳи хороро.
Мо надидем чеҳраи гармат,
Дар қиёмат бимонд дидоро…
8.10.1990