ТУӢ,  ТУ!

Дар байни нозанинон моҳи замон туӣ, ту,

Дар олами муҳаббат меҳри ҷаҳон туӣ, ту.

 

Равшан намояд ин дар дилро фурӯғи ҳуснат,

Ҳам нури чашми хар як пиру ҷавон туӣ, ту.

 

Бо қомати базебаст чил кокул анбарафшон,

Дар гулшани малоҳат сарви равон туӣ, ту.

 

Бахшид бар шафақ ранг рухсори лолагунат,

Бо лафзи шаккаринат рӯҳи равон туӣ, ту.

 

Рӯзе ба ишқи покат машҳур гардад Ӯлмас,

Зеро ки дар дили ӯ бахшанда ҷон туӣ, ту.

Муаллиф: Ӯлмас Ҷамол

---

---