
Зӯҳраи маст
Зӯҳраи сеҳрноку мастура…
То парам тезтар ба ҷониби он,
Гул фиристодамаш, ниқобашро —
Канда партофтам ба амри замон.
Дар тааҷҷуб фитода з-ин ҷуръат,
Зуҳраи маст сӯи ман нигарист!
Рашк бурда, азизи ман бо қаҳр
Дод зад: «Ин хунукситора кист?»
«Зӯҳра»,— гуфтам.
Бигӯфт: «Зӯҳра манам!»
Гуфтам: «Эй Зӯҳраи замин, бингар
Суратат дида, сар фаровардаст
Зӯҳраи оомони нилуфар…»
Муаллиф: Мирсаид Миршакар
Шарҳи худро нависед